KOLOM: Dawuh Wejangan Guru (Dadio Wong Kang Laku Utomo lan Sugih Ati)

Foto : (fokuslintas.com/Awi)

FOKUSLINTAS.com – Ngelingi ngendikane guru, tumraping dawuh lan bebasan nyawiji anggone tumraping kinodrat titahing Gusti. Awujud ingkang guru paring pepeling lan ular-ular, Abah nate ngendiko..Ngger.. arepo dadi opo wae iku entuk ananging kudu biso nggowo iman, pancen bondo kuwi kudu duwe (sugih) nanging ora keno tresno, laku luwih mulyo utomo iku sugihing ati.

Pepeling kanggo poro kinasihku, goleko akhirat kerono yen uwis entuk akhirat dunyone mesti katut, laku kang olo durung mesti ngalingi kabule dungo lan pituture sopo wae senajan remeh opo meneh luwih tuwo iku kudu ditrimo kabeh (disaring). Menowo diwenehi wong kudu ditompo nanging ugo kudu disaring lan dikiro-kiro pas orane, yen ora yo ojo ditompo.

Siji maneh, dungo sing luwih apik kuwi diapalke/diresapi/diangen-angen ben gampang kabul lan maknane. Nyuwuno rizqi kuwi ojo sing cukup tok, nanging nyuwuno rizqi sing cukup lan turah. Ampuhe dungo kuwi paling pol-pole nyawiji dungo iku jam 03.10 esuk, sak bubare yo mandi nanging wis kurang. Dungo mesti kabul ono kalane nang dunyo ono kalane nang akhirat, yen njaluk ojo werno siji, nanging njaluko sek werno-werno lan sing akeh sisan.

Bersama Abah Syarif Hidayatullo sing Mbahurekso Ponpes Nurul Huda Sragen. Foto : Awi

Eling-elingen…LAKU UTOMO NGUNTUNGNE WONG LIYO, pribadimu yen seneng mikirke wong liyo utowo ajeg peduli susahing liyan mesti ugo dipikirke Gusti Allah, manute wong soko ikhlase ati, ojo golek pengaruh nanging upoyo kudu duwe pengaruh.

Duweo ati becik sak padanmu, contone nyuguho tamu sugih utowo mlarat kuwi kudu podo dene, kanggonan nggon bedo ora popo, tamu kudu disuguhi sing kiro-kiro kowe isih doyan karo sing arep disuguhke, utowo yen nguwehi sandangan wong liyan iku kiro-kiro kowe sing isih gelem nganggo. Dadio wong seng duweni rumongso (ati pemimpin) nanging ojo rumongso dadi pemimpin.

Pepelingku… wong urip iku gumantung nasib ananging nasib iyo kudu di goleki, murid lan santri ora keno wedi yen ono hajat, moro tawasul marang {maqom} insya Allah di sampekno marang Gusti.

Dalane pinter iku siji yoiku mempeng, lan dadio murid utowo santri sing utomo ugo manut.

Dadio wong kang gentur ing topo tutuk ing sumedi, nggarjo iku segoro kang..!! ojo koyo kancil “licik” sok mikiri awake dewe-dewe ora mikiri awake wong liyo.

Tirakat paling utomo iku manut paugeran lan dawuh, wong yen pengen mulyo tirakatono awakmu dewe disik.

Kunci nggarjo kuwi 3 (telu) yoiku mempeng riyadhoh ikhlas, tulisane kudu apik ben ora getun mburine. Yen wani ojo wedi-wedi, yen wedi ojo wani-wani. Bocah sing dadi penggede kamar kudu sing akeh dungane kanggo nirakati kamare.

Kowe kabeh biso selak lan nglanggar ora konangan opo wae, ananging sing sumare ning maqom {Guru} iku pirso opo-opo sing dilakoni awakmu kabeh saben dino. Elingen iki… Sinauo ngaji urip, laku ngudi kaweruh, lan yen golek ngelmu iku ojo mung setengah-setengah mengko mundak gawe ciloko marang liyan. Amin..

(Abah Syarif Hidayatulloh)

Tinggalkan Balasan

Alamat email Anda tidak akan dipublikasikan. Ruas yang wajib ditandai *